මුහුදු ජලයේ වැඩිපුරම ඇති සංඝටකය

"ඔයා කියන්න බලන්න සංයෝගයක්? " අපි අසරණ කරන රසායන විද්‍යා ගුරුවරයාගේ ප්‍රශ්නය. මෙවර ප්‍රශ්නය අයිස්මන්තයාට. අයිස්මන්තයා නැගිට පිළිතුරු දෙයි.

"එල්ලයි තුනයි ඕ" (Li3O) A/L පංතියට ආපු ගමන්ම හදා ගත්තා නේද නමක් එල්ලයි මල්ලි.

තවත් දිනක...

"අයිස්මන්ත කියන්න බලන්න මුහුදු ජලයේ වැඩිපුරම ඇති සංඝටකය මොකක්ද කියලා." සර් ඇගිල්ල දිගු කරමින් අයිස්මන්තයාව පන්තිය වටේම හොයයි.

එල්ලයි මල්ලි වටපිට බලමින් නැගිට බසරය නාද කරයි.

"බීප්.... ජලය"


කෙලියා නේද මේකා??

Facebook for Engineers

  ඉස්සර අපිට තිබ්බා Computing for Engineers කියලා සබ්ජෙක්ට් එකක්. ඉගැන්නුවේ Mathlab. එපා වෙනවා ලෙක්චර්ස් යන්න. හොදකට තිබ්බේ ලෙක්චර්ස් තියෙන්නේ ලැබ් එකේ. ඒ හින්දා Mathlab කෙසේ වෙතත් වෙන වෙන වැඩ කර ගන්නවා.

  මුලදී කට්ටිය ටිකක් වැඩ කරා. කෝඩ් ගහලා උත්තර ගත්තා. ඒක එපා වෙන වැඩේ. සමහර වෙලාවට රචනාවක් වගේ කෝඩ් ගහන්න ඕනේ එකකට උත්තර ගන්න. සර් කරන්නෙත් සර්ගේ presentation slides වල තියන කෝඩ් කොපි පේස්ට් කරන එක. අපිත් සර්ගේ අඩි පාරේ ගියා. කොපි පේස්ට් වැඩේ නැගලම ගියා. ඒ හින්දා ටික දෙනෙක් ලෙක්චර්ස් එන එකත් නැවැත්තුවේ, ගෙදර ගිහින්ම කොපි පේස්ට් කර ගන්නම් කියලා. ඉතුරු එවුන් ටිකත් කොපි පේස්ට් පාරක් දාලා උත්තරේ අරන් Facebook යන්න පටන් ගත්තා. ටික දවසක් යද්දී Mathlab කෙසේ වෙතත් කට්ටිය Facebook ලොග් වෙලා ඉන්නවා. අන්තිමේදී කට්ටියට Mathlab බැරි උනාට Facebook Communication Skills හොද තත්වයකට ආවා. ඊට පස්සේ ඇඩ්මින් එක සබ්ජෙක්ට් එකේ නමත් Facebook for Engineers කියලා වෙනස් කරන්න යනවා කියලා තමා අපේ එවුන් කිව්වේ. :P

  විභාග ලං වෙද්දී තමා කට්ටියටම මතක් වෙන්නේ මෙහෙම සබ්ජෙක්ට් එකකුත් තියනවා කියලා. එකෙක්ටවත් හරියට Mathlab බෑ. 

  Engineering Maths කරපු සර් නම් පට්ට. හොදටම කියලා දෙනවා. හදන ගණන් විභාගෙටත් එනවා. ඉතින් අපේ එවුන් සර්ගෙන් Mathlab කියලා දෙනවද කියලා ඇහුවා.

සර් හිනා වෙලා, "Mathlab ලේසි සබ්ජෙක්ට් එකක්නේ. අපි ඒ දවස් වල Mathlab කරන්න ගියේ ටයිපින් ක්ලාස් යනවා කියලා". අපේ එවුන් කර වෙලා ගියා. සර් නොදැනෙන්න අපිට කින්ඩියක් දැම්මේ.

එතකොටම කවුදෝ එකෙක් "අපි නම් යන්නේ කොපි පේස්ට් ක්ලාස්" කියලා කිව්වා. සර් හිතා ගන්න ඇති  අපිට Mathlab බැරි වෙන්න හේතුව. 

http://forum.xcitefun.net/facebook-class-room-t68884.html

විද්‍යා පොළ

උසස් පෙළ කරන කාලේ අයිස් ගහන්න සෙට් වෙන හොදම වැඩේ තමා මොකක් හරි ඩේ එකකට සම්බන්ද වෙන එක. කට්ටිය 13 වසරට යනකල් බලන් ඉන්නවා ඩේ එකක් කරන්න. අපිත් අයියලාගේ අඩි පාරේ යමින් පවිත්‍ර පිවිතුරු  සිතින් ඩේ එකක් කරන්න ලෑස්ති වුණා.

මොනවා හරි කරලා අයිස් පාරක් ගහන්නනේ ඕනේ. ඒ හින්දා කට්ටියම විද්‍යා පොළක් කරන්න ලෑස්ති වුණා. 

සාමානයෙන් ඩේ එකක් අපේ එවුන්ගේ ටැලන්ට් ෂෝ එකක් කර ගන්නවනේ. ඒත් මේ විකාරේ එහෙම කරන්න බෑ. යොදා ගන්න පුළුවන් ස්වාභාවික සංගීතේ විත‍රයි. ඒ වගේම කියන්න ඕනේ විද්‍යාවට සම්බන්ධ ගීත. ඔය නීති හින්දා අපේ කට්ටිය අවුලෙන් හිටියේ. මොනවා කරන්නද මොනවා හරි කරන්න ඕනේ හින්දා කට්ටිය වැඩේට සෙට් වුණා.

හැම නිතියකටම හරියන්න කරන්න තියන වැඩේ තමා තියන සින්දුවක් විකෘර්ති කරන එක. ඒ වැඩේ පොයියා ඇතුළු පිරිස බාර ගත්තා. ඕක ඉතින් කලින් නොකරපු වැඩක්ද? අමාරු වැඩකට තියෙන්නේ හැමෝටම අහන්න පුළුවන් වචන ටිකක් දාන එක තමා. දවසකින් විතර කට්ටිය රම්බරි සින්දුවේ වචන මාරු කරලා අපිට හරියන සින්දුවක් හදා ගත්තා. වැඩේට ගැළපෙනම සින්දුව. ඩේස්වලට තට්ටුවක් දාගෙන රියසල් කරද්දී පොඩි රෙකෝඩ් පාරක් දාගත්තා බුදු ගේමක් දීලා.







ප.ලි.
කොච්චර මහන්සි වෙලා වැඩ කරත් මේ මගුල තිබ්බේ නෑනේ. අපරාදේ අපේ මහන්සිය. අන්තිමට අපිට ඩේ එකකුත් නැති වුණා නොදන්න මගුල් කරන්න ගිහින්. ඉතුරු වුනේ විකෘර්ති කරපු සින්දුවක් විතරයි. 



http://www.lascifair.org/site-coordinators/site-coordinators/

බෝ කොළ තට්ටයා

පාසලේ ඉගෙනගත් සුන්දර කාලය නිමා විය. උසස් පෙළ විභාගය සදහා ඇඩ්මිෂන් දෙන දිනය උදා විය. ප්‍රධාන ශාලාවේ ඒ සදහා උත්සවයකි. ගුරුවරු මෙන්ම දෙමාපියන්ද එයට සහභාගී විය. නිල වශයෙන් පාසල් යන අවසන් දිනය  බැවින් වෛර පිරිමැසීම්, ගත යුතුව තිබු පලි සියල්ල ගත යුතුව තිබිණි.

උදේ සිට පැවති ආගමිකවතාවත් වලට හා ගුරුවරුන්ගේ අනුසාසනා අහවර වන විට දොළහත් පසු වී තිබුණි. මේ අටමගුල නිම වන පාටක් නැත. අහෝ අපිට පාඩම් කිරීමට ඇති කාලය (අනේද කියන්නේ :පී). බඩගින්නක්ද ඇත. ඊට හපන් පැය ගානක් ඉදන් සිටීමෙන් ඇති අමාරුව. වැඩසටහන නිමා කිරීමටද කොහේදෝ බෝ කොළ තට්ටයා වේදිකාවට ගොඩ විය.

බෝ කොලයක් වැනි තට්ටයක් ඇති බැවින් අළුතින් පැමිණි රසායන විද්‍යා ගුරුවරයා බෝ කොළ තට්ටයා නමින් හදුන්වයි. අළුතින් පැමිණියද හැසිරෙන්නේ පාසලේ අයිතිකාරයා මෙනි. අඩියක් පමණ ඉහලින් ගමන් කරන ඔහු කතා කරන්නේ හිට්ලර් මෙනි. ක්‍රියා කලාපයද එලෙසමය. මේ නිසා කාටත් මේ ගුරුවරයා දිරවන්නේ නැත.

පටන් ගත් ස්තුති කතාව නිමවන පාටක් නැත. ස්තුති කතාව නිම කර ගැනීමට දැඩි අවශ්‍යතාවක් ඇත. එක පාරටම කට්ටිය අත්පුඩි ගසන්නට පටන් ගත්හ. ඒ කෙසේ හෝ මෙලෝ රහක් නැති කතාව නිම කර ගැනීමටය. සර් සෙකන්ඩ් වීමට කැමති නැති පාටයි. තරහා මැඩගෙන දිගටම කතා කරයි. අපේ එවුන්ද වැඩේ අත අරින්නේ නැත. එන්න එන්නම සද්දය වැඩි වෙයි. ඊලග විනාඩියේ කෙසේ හෝ වචන ගලපා සර් කතාව නිම කර ගැනීමට හැකි විය.

ගුරුවරුන් හා දෙමාපියන් ඉදිරියේ බෝ කොළ තට්ටයා මෙලෙස අපහසුවට පත් කිරිමට හැකි වීම අප ලද ජයග්‍රහණයක් යැයි එකල අපි සිතුවෙමු.

පා.ලි.
හොද වෙලාවට එදා පාසල් ගිය අවසන් දිනය විය. නැතිනම් පංති කාමරයේදී කල දේට බෝ කොළ තට්ටයා  අපෙන් පලිය ගනු ඇත.


http://www.battleagainstbald.com/battle_against_bald/2009/07/index.html

පාසලකට සැබවින්ම ආදරය කරන්නවුන්..

   ඉස්කෝලේ ගිය අන්තිම කාලේ ඉස්කෝලෙට වෙලාවට ගියේම නෑ. ඒ කාලේ සීසන් එක කියලා එකක් තිබ්බා. ඒ හින්දා CTB බස් එකක් එනකල් හෝල්ට් එකට වෙලා බලාගෙන ඉන්නවා. උදේ පාන්දර ගිහින් අපේ එවුන් බෝල ගහන දිහයි, සින්දු කියන දිහයි බලන් ඉදලා මානසිකව වැටෙනවට වඩා හොදයි දෙන කීය කීය හරි ඉතුරු කර ගෙන CTB බස් එකක එන එක. ඉස්කෝලෙට වෙලාවට යන්න පුළුවන් බස් එනවා. හැබැයි පට්ට සෙනගක් ඉන්නේ. නැත්තම් පාරෙන් එහා පැත්තට ගිහින් අත දාන්න ඕනේ නවත්ත ගන්න. තව විකල්පයක් තිබ්බා. කවුරු හරි ගැනු පරානයක් අත දැම්මා නම් හරි. එහෙම අත දාන්නවත් කෙල්ලෙක් ඉතුරු වෙන්නේ නෑ, බාලිකා පාසල් සේවා බස් 3ක් 4ක් තියන හින්දා. අපිට කියලා තිබ්බෙත් එක බස් එකයි. එකෙත් යන්න පුළුවන් දවසට යන්නේ නෑ කලින් ඉස්කෝලේ යන්න වෙන හින්දා.

   බස් එනකල් හෝල්ට් එකේ ඉන්න කොට මාත් එක්ක ඉන්නවා අපේ ඉස්කෝලෙම පොඩි එවුන් දෙතුන් දෙනෙක්. උනුත් අපි වගේමයි. මුන්ට කට කැඩෙනකල් කියලා තියෙනවා කලින් ඉස්කෝලෙට පලයල්ලා, ගිහින් හොදට ඉගෙන ගනින් අපි වගේ කියලා. මුන් කනකට ගන්නේ නෑ.

හත, හතයි කාල වෙනකොට බස් පෝලිමක් එන්න පටන් ගන්නවා. සෙනගත් නෑ, බොක් එකකතුත් නෑ, පාඩුවේ යන්න පුළුවන්. 7.35ට කලින් ටවුන් එකට යන්න පුළුවන්. 7.45ට කලින් ඉස්කෝලෙට ගියොත් උදේ තියන හැම මගුලක්ම ඉවර වෙනකල් ගේට්ටුවෙන් එලියට වෙලා ඉන්න වෙනවා. එහෙම උනොත් මහජනතාවට චාටර් වෙනවා. ඔය මගුල් ටික ඉවර වෙලා ගියොත් කෙලින්ම ඇතුලට යන්න පුළුවන් නම ලියා ගෙනම. නම ලියා ගත්තට අවුලක් වෙන්නේ නැ. ඒත් අහන ප්‍රශ්නවලට උත්තර දෙන්න ගියාම තමා කෙල වෙන්නේ. බොරු මතක් වෙන්නෙත් නැ.

   පරක්කු වෙන සෙට් එකේ හිටියා පුඩිමා කියලා එකෙක්. පොරට බොරුවක් තාත්විකව කියා ගන්න පුළුවන්. අතර මගදී පොරට බොරුවක් කියලා දීලා ඉස්සරහින් යවනවා. පොර එතන ප්‍රශ්න විචාරාත්මක වැඩසටහනට සාර්ථකව මුහුණ දීලා අම්බානක බැනුම් අහනවා. ගොඩක් වෙලාවට කියන්නේ කොහේ හරි ඩොටේ පැත්තක ඉන්නේ කියලා, එක බස් එකයි තියෙන්නේ කියලා, ඕක මගදී කැඩුනා කියන්න එක. තව පයින් ආපු සින් ටිකකුත් සෙට් කරාම වැඩේ ගොඩ. ඔය මොනවා කිව්වත් මැඩම් දන්නවා මුන් අත අරින්නේ ටෝම්බ් නයෙක් කියලා. ඒත් නිර්මාණශිලිත්වයට පොඩි සමාවක් හම්බෙනවා.

   පුඩිමා අම්බානක අහගන්නවා කියන්නේ අපි ගොඩ. "මැඩම් අපි ආවෙත් ඒ බස් එකේ තමා" කිව්වහම ආයෙත් රෙකෝඩ් එක රිපීට් කරන්න බැරි හින්දා නම ලියාගෙන එලවනවා. අවුලක් නෑ කියන්නේ බොරු නම්නේ.

  එතනින් බේරුනාට අපේ ශිෂ්‍ය නායක අයියලාගෙන් බේරෙන්න අමාරුයි. මට අවුලක් නැ. අපේ එවුන්මනේ ඉන්නේ. මග දිගට මට කණක් ඇහෙන්න නෑ "අනේ බුදු අයියේ මාවත් බේර ගනින්" කියලා. දවසක් දෙකක් බේරලා යැවුවා. ඒත් හැමදාම කරන්න බැනේ ඕක. කලින් ඉස්කෝලේ පලයල්ලා කිව්වට අහනෙත් නැනේ. ඕන මගුලක් කර ගනිල්ලා කියලා, "මුන්ගෙන් හොදට වැඩ ගනිල්ලා" කියා ගෙනම මම යන්නේ. 

   ඒත් මුන් හැදෙන්නේ නැ. පරක්කු වෙලා ඇවිත් කොරිඩෝ අතු ගානවා, මිදුල් අතු ගානවා, කුණු අදිනවා, වල් ගලවනවා, මල් වලට වතුර දානවා. ගෙවල්වල කොස්සක් ඉදලක් අල්ලන් නැති එවුන්නේ. පුදුම ආදරයක් තියෙන්නේ ඉස්කෝලෙට. 

   මට හිතුණේ අපිට වඩා මුන් කොච්චර ඉස්කෝලෙට ආදරෙයිද කියලා. 

http://qflf.wordpress.com/2011/05/17/clean-sweep/