Monday, May 7, 2012

අපේ සිලේ..





මේ වෙසක් කාලේ අපි ඉස්කෝලේ සිල් ගත්ත හැටි මතක් උනා.අපි එදාටවත් ධාර්මික උනේ නම් නෑ. වෙනදාටත් වඩා ෆන් එකේ තමා හිටියේ. සුදු දිග කලිසම තුන කාලක් වෙන්න නවලා සරම උඩින් ගහගෙන පත්තරයක් බිම එලාගෙන කරේම අජුත වැඩතමා. හැබැයි දවල් වෙන්න වෙන්න එක එකාගේ සරම් ගැලවිලා බෑග්වලට යනවා.
අපේ ඉස්කෝලේ එක පංතියට එක හාමුදුරුවෝ නම ගානේ වැඩම්මවනවා. මම දන්න විදිහට අපේ ඉස්කෝලේ තමා පළවෙනියට ඔය වැඩේ පටන් ගත්තේ. ඒත් කාඩ් එක දා ගත්තේ වෙන අය. මේ ක්‍රමයට අනුව තම තමන්ගේ පන්තිවලට හම්බෙන්නේ සම වයසේම වගේ හාමුදුරුවෝ නමක්.


පන්තියේ උගන්නදීත් නිදි කිරන අපේ එවුන් එදාටත් නිදි කිරන එක අහන්තත් දෙයක්ද? උදේ ධර්ම දේශනාව වෙලාවේ කට්ටිය නිදි කිරන්න පටන් ගන්නවා. එහෙම කට්ටිය ආසම වෙලාව තමා භාවනා කරන වෙලාව. ඒ වෙලාවට කාටත් හොරෙන් නිදි කිරන්න ඕනේ නැනේ. පාඩුවේ බිත්තියක්, කොනක් අල්ල ගෙන හොද ඇලට් එකක් දානවා කට්ටිය. භාවනාව අතර මග පොඩ්ඩක් හොරෙන් ඇහැ ඇරලා බලපුවහම කට්ටිය කට අරගෙන බෙලි කඩාගෙන නිදි නෑ වගේ ඉන්නවා පේනවා. ළග එකාට නින්ද ගියේ නැත්නම් හොදයි. නැත්නම් භාවනාව ඉවර උනාම අතින් ඇනලා නැගිට්ටවන්න එකෙක් නැති වෙනවා.


O/L පන්තියේදී හාමුදුරුවෝ මෛත්‍රී භාවනාව කෙරෙව්වා. වෙනදා වගේම එදත් කට්ටියක් නිදි. සියලු සත්වයන්ට මෛත්‍රී කරලා භාවනාව ඉවර වෙන්න කලින් හාමුදුරුවෝ " නිදා ගත්තා වූ සියලු සත්වයෝ නිදුක් වෙත්වා, නිරෝගී වෙත්වා, සුවපත් වෙත්වා..." කියලා කිව්වා. අවදානෙන් හිටපු අයට නම් හිනා ගියා. අනිත් අය ටියුබ් ලයිට්.


අපි අන්තිමට සිල් ගත්තේ A/L පන්තියේදී. ( මේක ජිවිතේ ගත්ත අන්තිම සිල් ගැනීම වෙන්නත් පුළුවන්.) වෙනදා   හම්බෙන්නේ ඉන්ටවල් එකට විනාඩි 20 නේ. ඒත් එදා පැයකටත් වැඩිය දානේ ගන්න හම්බුනා. විනාඩි 20 උඩපහල යනකොට ඉවරයිනේ. ඒත් එදා අපිට කරන්න වැඩක් නෑ. ඒ හින්දා කට්ටිය ඇගේ හිරි ඇරෙන්නත් එක්ක කියලා වෙනදා වගේම කොළ බෝලෙයි, ඩේස් එකකින් ගැලව ගත්ත අපේ පරණ බැට් එකෙනුයි බෝල ගැහුවා. මේ එදා පටිගත කළ දර්ශන.....






ආයේ ජීවිතේටවත් සිල් ගන්න වෙයිද දන්නේ නෑ. සිල් ගත්තත් ආයේ මෙහෙම දේවල් නම් කරන්න වෙන්නේ නෑ.


ප/ලි : අපිට යන්න අපායක් හදන්න වෙන්නවා.



10 comments:

  1. පෝස්ට් එක පස්ටයි අපේ පැත්තෙත් ඇවිල්ල යන්න

    ReplyDelete
  2. එල බන් ,ඉස්කෝලේ කාලේ අයේ මතක් වෙනවා

    ReplyDelete
  3. ඒ කාලෙ සිල් මාරම ආතල්..

    මම අවුරුදු 2ක් දහම් පාසලේ පිට පිට සිල් ගත්තා.. පස්ට පිං !

    ජය පතමි !

    ReplyDelete
  4. PATTA PATA PATA CRICKETTTTTTTTTTT...........MAI NILEI

    ReplyDelete
    Replies
    1. ඕව් ඕව්..... පොයියයි, ලන්ඩන් නයයි....

      Delete
  5. elee ela, scl kaaale patta machan, aye kawada eyda e kale neda bn? dukeeeeee baruwa
    :::BIG B:::

    ReplyDelete
    Replies
    1. ආයේ එහෙම කාලයක් එන්නේ නෑ බං... නිකන් බොරුවට සිහින මවන්න එපා යකෝ...

      Delete
  6. math 11di una seen eka mathakai....
    Bawana karala iwara wela hina unata ubala apita therun kare nane mokakda une kiyala...

    ReplyDelete
    Replies
    1. උබත් හොදට නිදා ගෙනනේ හිටියේ....

      Delete